Arrestohen 9 shqiptarë në Itali, sekuestrohen rreth 3 milionë euro dhe 130 kg kokainë

Aksioni u koordinua nga Zyra e Prokurorit të Qarkut të Brescias, me mbështetjen e Drejtorisë Kombëtare Antimafia dhe Kundërterrorizmit, Eurojustit, si dhe në bashkëpunim me Europolin dhe autoritetet shqiptare dhe franceze.

Operacioni u realizua me angazhimin e mbi 150 efektivëve të Guardia di Finanza nga komandat provinciale të Brescias dhe SCICO. Njëkohësisht me arrestimet, autoritetet italiane urdhëruan sekuestrimin paraprak të pasurive në vlerë rreth 3 milionë euro, të dyshuara si të ardhura nga aktivitetet kriminale të grupit.

Hetimi u zhvillua përmes përdorimit të teknikave të avancuara hetimore, përfshirë deshifrimin e komunikimeve të koduara, përgjimet telefonike dhe ambientale, si dhe vëzhgimin klasik në terren. Sipas autoriteteve, qendra drejtuese e organizatës ndodhej në Shqipëri, ndërsa degët operative në Itali vepronin kryesisht në zonën mes Rovatos dhe Palazzolo sull’Oglio.

ELGE GROUP SH.P.K. publikoi Foto14:58 08.08.2025

ELGE Rent a Car – Makina të besueshme, shërbim i pakrahasueshëm

Nëse kërkoni një makinë të sigurt, komode dhe me çmim konkurrues, ELGE Rent a Car është adresa e duhur. Me një flotë moderne dhe shërbim të personalizuar, ne ju ofrojmë:

✔ Vetura të mirëmbajtura dhe të pastruara profesionalisht
✔ Fleksibilitet në kohëzgjatjen e qirasë – ditore, javore apo afatgjatë
✔ Mbështetje 24/7 për klientët tanë
✔ Proces të shpejtë dhe pa komplikime

Na besoni udhëtimin tuaj – për punë, pushime apo nevoja të përditshme.

📞 Rezervo tani: +383 49 773 399
📍 Na vizitoni: Rr. Jeronim De Rada, Prizren (pranë Stacionit të Autobusëve)

...më shumë

më shumë

Droga, kryesisht kokainë, importohej nga Amerika e Jugut përmes rrugëve tregtare që kalonin nga portet e Evropës Veriore dhe më pas transportohej drejt Italisë e fshehur në kamionë. Në këtë skemë ishte i përfshirë edhe një biznesmen me bazë në Bergamo, i cili siguronte mjetet për transportin e lëndëve narkotike. Hetimet tregojnë se disa shoferë autobusësh nuk ishin në dijeni të ngarkesave ilegale, ndërsa të tjerë bashkëpunonin drejtpërdrejt me organizatën.

Sipas vlerësimeve të hetuesve, mbi 1.300 kilogramë narkotikë janë transportuar dhe shpërndarë përmes gjashtë bazave logjistike në territorin italian, ku kryhej edhe magazinimi i drogës dhe grumbullimi i të ardhurave nga shitjet. Fitimet transportoheshin më pas drejt drejtuesve të organizatës përmes korrierëve, shpesh shoferë autobusësh që operonin në linjën Itali–Shqipëri.

Gjatë fazave të mëparshme të operacionit, autoritetet kanë arrestuar në flagrancë edhe dhjetë anëtarë të tjerë të grupit, ndërsa janë sekuestruar mbi 500 mijë euro para të gatshme, dhjetë automjete, një pistoletë gjysmëautomatike, si dhe 130 kilogramë kokainë dhe heroinë. Sipas përllogaritjeve, të ardhurat e paligjshme nga droga e trafikuar mund të arrijnë deri në 12 milionë euro.

Ndërkohë, paralelisht me zbatimin e masave paraprake, po zhvillohen mbi 35 kontrolle në pjesë të ndryshme të Italisë, me angazhimin e njësive të specializuara të Guardia di Finanza, qenve për zbulimin e drogës dhe parave, si dhe ekipeve ATPI, të njohura si “beretat e gjelbra”, për operacione me rrezik të lartë.