Mes të dyshuarve janë një 12-vjeçar nga Kosova dhe një 13-vjeçar nga Afganistani, të cilët kanë pranuar disa nga akuzat.
Ngjarjet e rënda dyshohet se kanë nisur në nëntor të 2024-ës dhe kanë vazhduar deri në prill të 2025-ës. Policia arriti t’i zbulojë ata pasi disa të mitur u hasën në rrugën Eibenstrasse gjatë një zjarri në një kontenier më 14 prill. Pas një hetimi të thellë, u zbuluan një sërë zjarresh të tjera të dyshuara.
Sipas raportit të policisë, një 12-vjeçar nga Kosova ka pranuar se ka vënë tetë zjarre në kontenierë mbeturinash dhe stenda gazetash. Ai i kreu këto vepra në prani të shokëve të tij.
Fatura Planet Prishtinë, Kosovë
Një tjetër i dyshuar, një 13-vjeçar afgan, ka pranuar katër akuza për vënie zjarri në kontenierë dhe përdorim të fikësit të zjarrit. Të dyja veprat i kreu gjithashtu në prani të miqve të tij.
Gjithsej janë regjistruar 15 incidente të dyshuara si zjarrvënie, për të cilat janë raportuar në total 11 të mitur. Shtatë prej tyre janë të moshës 10 deri në 13 vjeç, ndërsa katër të tjerët janë 14 dhe 15 vjeç.
Akuzat kundër tyre janë dërguar në Prokurorinë Publike të Welsit, ku do të vendoset për hapat e mëtejshëm.
