Gjatë kontrollit të hyrjes, shtetasi kosovar deklaroi se po udhëtonte si turist dhe se kishte ndërmend të kthehej së shpejti në vendin e tij. Për të vërtetuar pretendimin, ai paraqiti një biletë kthimi, e cila pas verifikimit rezultoi të ishte e falsifikuar.
Situata u komplikua edhe më tej kur oficerët gjetën në bagazhin e tij një kontratë pune të vlefshme nga një kompani gjermane, fakt që tregonte se ai synonte të punësohej ilegalisht në Gjermani.
Për rastin është ngritur procedurë penale për falsifikim të dokumenteve dhe të dyshuarit iu kërkua të paguante një garanci në shumë katërshifrore. Autoritetet gjermane i kanë konfiskuar gjithashtu lejen e qëndrimit në Slloveni, e cila kishte skaduar dhe nuk ishte më e vlefshme.
Burri do të deportohet me fluturimin e parë të mundshëm drejt Kosovës të enjten, ndërsa ndaj tij është lëshuar një ndalim hyrjeje dhe qëndrimi afatgjatë në territorin gjerman dhe potencialisht në zonën Shengen.
