K Residence
Location: Suharekë, Kosova,
Year:2024,
Area: 850 sqm,
Investor: Sh. K.
Project: @diviz.studio
Location: Suharekë, Kosova,
Year:2024,
Area: 850 sqm,
Investor: Sh. K.
Project: @diviz.studio
...më shumë
Ngjarja ka ndodhur të hënën mbrëma, më 24 nëntor, rreth orës 18:30, në rrugën Mynih, ku një patrullë policie me rroba civile ka ndaluar për kontroll një furgon të vogël me targa sllovene.
Sipas njoftimit të policisë së Bad Wiessee, automjeti po udhëtonte në drejtim të Miesbach-ut kur oficerët kanë vendosur ta kontrollojnë. Brenda furgonit u gjetën katër burra të moshës 22 deri në 44 vjeç, të gjithë nga Kosova. Gjatë verifikimit u konstatua se ata ishin të punësuar në rajonin Miesbach pa lejet e nevojshme të qëndrimit dhe punës.
Për pasojë, ndaj të katër personave janë iniciuar procedura penale për qëndrim të paligjshëm. Por rasti mori edhe një tjetër kthesë: tek një prej tyre, 44-vjeçari, policia zbuloi se ishte shpallur në kërkim me një urdhër arresti të mëparshëm, po ashtu për shkelje të ligjit të imigracionit.
Autoritetet sqaruan se burri nuk ishte në gjendje të paguante shumën e kërkuar për të shmangur ekzekutimin e urdhrit të arrestit, prandaj u ndalua menjëherë dhe u transferua në qendrën korrektuese Bernau am Chiemsee.
Policia ka konfirmuar se kontrolle të tilla do të vazhdojnë, me fokus të veçantë në zonat ku dyshohet për punësim të paligjshëm dhe shkelje të rregullave të qëndrimit.
