Ngjarja u regjistrua natën mes së dielës dhe së hënës, rreth orës 23:00, në hotelin Ermitage.
Sipas raportimeve, burri u vu re duke luftuar në ujë dhe duke dhënë shenja të sëmundjes së papritur. Stafi dhe klientët e hotelit tentuan t’i ofrojnë ndihmën e parë, ndërsa menjëherë u thirrën shërbimet emergjente. Brenda pak minutash, oficerë policie mbërritën në vendngjarje dhe e nxorën atë nga pishina, duke i kryer procedurat e reanimimit (CPR). Falë ndërhyrjes së tyre, zemra dhe frymëmarrja e tij rifilluan, duke dhënë shpresë se situata ishte stabilizuar.
Pasi iu dha ndihma e parë, i riu shqiptar u dërgua me urgjencë në spitalin San Donà di Piave. Fillimisht, dukej se gjendja e tij ishte nën kontroll, por gjatë natës shëndeti i tij u përkeqësua ndjeshëm. Pavarësisht përpjekjeve të mjekëve, mëngjesin e së hënës ai ndërroi jetë.
Shitet iPhone 13 Pro Max Suharekë, Kosovë
Autoritetet lokale konfirmuan se viktima nuk figuronte as në listën e mysafirëve të hotelit dhe as si pjesë e stafit, duke ngritur pikëpyetje mbi mënyrën se si kishte hyrë në objekt. Një nga pistat e hetimit është edhe mundësia që ai të ketë qenë nën ndikimin e alkoolit ose lëndëve narkotike, të cilat mund të kenë shkaktuar gjendjen e tij të rënduar në ujë.
Prokuroria e Venedikut ka nisur një hetim të plotë mbi rrethanat e incidentit, ndërsa çështja i është besuar stacionit të policisë në Jesolo.
