Sipas njoftimit zyrtar, gjatë kësaj periudhe do të ketë lëvizje të konvojeve ushtarake nga vendbazimet e FSK-së në drejtim të rajonit të Gjakovës. Aktivitetet do të zhvillohen kryesisht në Aeroportin e Gjakovës dhe në Poligonin Ushtarak në Babaj të Bokës.
“E gjithë kjo lëvizje do bëhet me qëllim të realizimit të ushtrimit, andaj kërkojmë mirëkuptim nga qytetarët”, thekson FSK-ja në komunikatë.
Ky ushtrim konsiderohet si pjesë e rëndësishme e planit të stërvitjeve të FSK-së, me qëllim të ngritjes së kapaciteteve dhe gatishmërisë operacionale të njësive ushtarake të Kosovës.
