Kontrollet janë kryer nga njësitet e Trafikut Rajonal, duke përdorur vetura inteligjente, radarë mobil dhe radarë statik.
Në zonën me kufizim të shpejtësisë 50 km/h, Policia ka regjistruar automjete që lëviznin me shpejtësi prej 104 km/h, 107 km/h dhe madje deri në 140 km/h. Shoferët janë ndalur menjëherë në vendngjarje dhe ndaj tyre janë shqiptuar masat ligjore sipas Kodit të Trafikut.
Dy prej shoferëve janë gjobitur me nga 500 euro, janë penalizuar me 5 pikë negative dhe iu është ndaluar drejtimi i automjetit për 6 muaj. Ndërsa shoferi tjetër është ndëshkuar me gjobë prej 300 euro, 3 pikë negative dhe ndalim drejtimi për 3 muaj.
Policia ka bërë të ditur se këto kundërvajtje janë të dokumentuara me fotografi, incizime dhe fletëparaqitje zyrtare.
Në fund, Policia apelon te të gjithë ngasësit që të respektojnë rregullat e qarkullimit dhe të kenë kujdes të shtuar në trafik, me qëllim të ruajtjes së sigurisë së përgjithshme në rrugë.
