Sipas raportit të Policisë së Kosovës, rreth orës 21:00, tre persona të dyshuar kanë hyrë në oborrin e kompanisë, duke kërcënuar dhe neutralizuar rojën e natës.
Njëri nga të dyshuarit dyshohet se ka qenë i armatosur me një armë të shkurtër. Ata e kanë lidhur rojën për një pemë, e më pas kanë depërtuar në objekt përmes një dritareje, me qëllim që të kryenin grabitjen.
Aktualisht ende nuk dihet se çfarë saktësisht është marrë nga brenda objektit, ndërsa roja nuk raportohet të ketë pësuar lëndime fizike.
Policia, në bashkëpunim me Prokurorinë, ka nisur hetimet për identifikimin dhe arrestimin e personave të përfshirë. Organet e rendit po punojnë për grumbullimin e provave dhe analizimin e pamjeve të mundshme të kamerave të sigurisë në zonë.
Hetimet vazhdojnë.
