Rasti i parë është shënuar në Obiliq, më 11 nëntor rreth orës 17:20, ku një grua ka raportuar zhdukjen e bashkëfamiljarit të saj. Sipas Policisë, viktima – një burrë kosovar – është larguar nga shtëpia dhe prej atëherë nuk dihet asgjë për vendndodhjen e tij. Me urdhër të prokurorit kujdestar, rasti është inicuar dhe hetimet kanë filluar menjëherë.
Ndërkohë, pasditen e së njëjtës ditë, edhe në Kamenicë janë raportuar dy persona të zhdukur. Rreth orës 13:00, një burrë ka njoftuar Policinë se dy gra të familjes së tij janë larguar nga banesa dhe vendndodhja e tyre mbetet e panjohur. Edhe ky rast është dërguar në procedurë hetimore.
Policia e Kosovës po vazhdon kërkimet dhe u bën thirrje qytetarëve që të raportojnë çdo informacion të mundshëm që mund të ndihmojë në gjetjen e personave të zhdukur.
